COMO COLLER UNHA CUNCA DE VIÑO. LECCIÓN MAXISTRAL


COMO COLLER UNHA CUNCA DE VIÑO TINTO
…….. O de cómo coller unha cunca de viño para beber, parece unha trangallada, pero non é así. Collela como Deus manda e saber soprala como calquera instrumento musical, é unha arte. Si agora na FP se ensina a torear, habería que facer do viño e da cunca unha carreira en Belas Artes, para despois facer un master nun furancho durante un ano inteiro e festas de gardar.
…….. Empecemos por decir que si o viño é a bebida dos Deuses, Galicia é o paraíso dos viños. Os da Meseta chámanlle caldo porque non teñen outra casta de caldos, pero o caldo para nós é outra cousa que non ten nada que ver co viño, anque en ocasións bébense os dous por cunca, e ata hai quen os mistura.
…….. Unha vez chea a cunca do viño, pódese coller de catro xeitos: “Estilo señorito” “Á maneira de unha asa” “Xeito trapalleiro” e “Modo galego ou tradicional”
…….. O “Estilo señorito” é un erro moi espallado polas tabernas e furanchos, consiste en coller a cunca por unha veira coas xemas dos dedos indice e pulgar para levala á boca. “A maneira de unha asa” ven sendo como o “Estilo señorito” pero collendoa pola cima. Moi incómodo esto pois sempre acaba tropezando a man co nariz. “Xeito trapalleiro” collela coas dúas mans . Tamén hai quen a colle co pulgar no borde e co resto dos dedos no cú da cunca, derramando o viño ó collela a meirande parte das veces… mais trapalladas. Como remate, temos o “Modo galego ou tradicional” que merece comentario aparte.
…….. Para coller unha cunca como un galego, primeiro hai que enchela ata a cima de todo pero sin que bote por fora, o que todos coñecemos como “Sácarlle o ar a cunca” cando o taberneiro está co xerro botando no viño. Unha vez chea hai que pechar a man e collela, polo lado de fora co dedo índice encollido e polo lado de dentro coa xema do dedo pulgar. A punta do dedo pulgar, ten que estar sempre metida no viño. Un bó bebedor de viño tinto coñécese porque ten a uña do dedo pulgar como si estivera arrincando no esterco… de loito! Unha vez ben collida hai que cangarse pra diante, erguer a cunca e levala á boca. Bébese ata a mitade mais ou menos sin respirar e mirando pro viño. Vólvese poñer a cunca no mostrador, lámbese a punta do dedo, e bótase un pequeño aturuxo seguido da frase “Agora xa o homiño é home” pra rematar despois cantando “O Miudiño” ou calquera outra cantiga.
…….. Eu a cunca, colloa como un bo galego que son… da maneira tradicional, da de sempre… da de toda a vida, vaia. E desto podo presumir que sei porque o meu avó era arrieiro do viño. Así que a arte de collela venme dado por herdanza
…….. E para rematar esta lección maxistral, decirvos o afortunados que somos os que temos bigote, porque o trago de viño que mellor sabe, é o que queda entre os pelos e lambese media hora despois de tomarlle a penúltima cunca.
…….. Apertas para todos.

1350982505806

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s